HIZLARIAK
ETORKIZUNEKO HIRIAK
KONGRESUA

Pedro Calaza-Martínez doktorea. Agronomia-ingeniaritzan doktorea da (Santiago de Compostelako Unibertsitatean), eta Paisaiaren doktore arkitektoa (Lisboako Unibertsitatea). Parke eta Lorategi Publikoen Espainiako Elkarteko (AEPJP) presidentea da.
Galiziako Agronomia Ingeniarien Elkargo Ofizialeko dekanoa, Galizia garatzeko Agronomia Ingeniaritzaren Fundazioko presidentea eta Galiziako Ingeniaritzen Kontseiluko idazkaria da. Paisaiaren Galiziako Eskolako zuzendaria eta FAOko hiri-basoen eta hiri-inguruko basoen WG7 lantaldeko kide da.
URBASEReko Azpiegitura Berdearen zuzendari nazional gisa lan egiten du, eta paisaiaren, azpiegitura berdearen eta eremu publikoen plangintza, proiektu eta kudeaketaren arloko jarduerak bideratzen ditu. Plaza publikoak, parke handiak, hiri-basoak eta lorategi historikoen zaharberritzeak barne hartzen dituzten hiru-eremuak diseinatzeko proiektu eta obra-zuzendaritza ugari egin ditu.
Paisaiaren arkitekturako ikerlari eta irakasle gisa dihardu (Santiago de Compostelako Unibertsitatean eta Madrilgo Unibertsitate Politeknikoan), eta katedra-irakaslea da atzerriko hainbat unibertsitatetan. Artikulu eta liburu ugari argitaratu ditu, eta hiri-basoekin, azpiegitura berdearekin, hiri-plangintzarekin eta paisaiaren arkitekturarekin lotutako gaiei buruzko hitzaldiak eman ditu, Estatuan bertan eta nazioartean. Horien artean, Norma Granada (2020) programa eta FEMPen «Guía de Infraestructura verde» (2019) lanen zuzendaritza nabarmendu behar da. Jaso dituen argitalpen-sarien artean, berriz, honako hauek nabarmentzen dira: Cecil Konijnendijk Award for Outstanding Research on Urban Forestry and Urban Greening (2022); San Migeleko Nekazaritza Liburuaren 46. Sari Nazionala (2017), bere «Infraestructura verde. Sistema natural de salud» lanagatik, eta Juan Julio Sari Nazionala (2012) «Evaluación de riesgo de arbolado: principios, indicadores y métodos» lanagatik.
Researchgate : Pedro Calaza | Stats (researchgate.net)
Linkedin : Pedro Calaza | LinkedIn
ORCID : Pedro Calaza-Martínez (0000-0001-6719-5752) (orcid.org)